اوعي الفوتوشوب يعوضك -_*

السلام عليكم

انا حسيت اني لازم اعمل الموضوع ده والا حطق ويجرالي حاجه



اكيد كل واحد بيصمم بيشوف كتير واحد تلاقيه يطلب حاجات غريبه


ما هو فاضي بقي


يعني مثلا يطلب منك واجهه زي الموقع ده بس مكان ده كذه ومكان ده كذه ومكان ده كذه

وعايزها زيها باالظبط وفلاشيه

وتلاقي التانيه اساسا مش فلاشيه

وبما اننا جينا في موضوع فلاشيه ده

فوالله انا متاكد ان فيه ناس متعرفش يعني ايه فلاشيه

هي بتحطها وخلاص عشان تعرف ايه الفلاشيه لما تتصمم

وممكن تعمل واحده اساسا ثابته وياخدها عادي ومن غير اي حاجه

ومن الحاجات اللي دمها تقيل برضه لما تلاقي واحد يحطلك بتاع عشره خمستاشر صوره

عشان تحطهم في الواجهه

طيب يا عم الحج الواجهه مش استاد حيتلعب فيه

لأ برضه يقوم حاطط موضوع تاني

وتلاقيه هو لو جمعهم مع بعض مش حيجوا بشكل حلو خالص مع بعض

ولكن هو عايزك انت تعمل المستحيل عشان تتطلعاله احسن من اللي هو حاول فيه

ومن الحاجات برضه الغلسه اوي

تلاقي واحد يطلب توقيع فلاشي ويقولك مع اغنيه كذا

ودور انت يا معلم في المواقع عليها

وتسجل في ده وتحط رد في ده وممكن في الاخر تلاقي اللينك مش شغال

طيب ما كان من الاول

وفيه برضه ناس تلاقي يطلب حاجات هو اساسا مش فاهم بيطلب ايه

وعايزك انت بقي تقري الودعه وتفهم هو عايز ايه

ولما تيجي تكلمه يقولك ما انا حاطط كل حاجه بالموضوع

طيب يا عم الحج هو هيروغليفي انا مش فاهم

تلاقيه يضايق او يزعل منك

وتبقي غصب عنك تعمل انك انت اللي غلطان عشان تطيب خاطره

وتنفذله الطلب ويطلع اي حاجه بس عشان ترضيه وخلاص

وفيه ناس تلاقيها في البنرات

يحطلك ايه ||نتيجه الثانويه العامه

بتاع عشره خمستاشر جمله في بنر واحد

والغريب بقي انه لو فيه كلمه غلط

يحط الطلب من جديد ولا يهمه اللي عمله حتي من غير ما يشكره

طيب يا عم الحج ما انت اللي مفتري علي اللي بيصمملك ومش مستني منه حتي ربع غلطه

وتلاقي مثال تاني

يكلمك باسلوب كأنك خدام عنده

واعمل وحط وضيف وخلياه بلون كذه

وتلاقيه بعضهم في الاخر يقولك شكرا مقدما


يااااااااه جايي علي نفسك اوي

والحمد لله فيه ناس بتريح بالها ولا شكرا مقدما ولا مؤخرا

ديه بعض النماذج اللي موجوده بكثره واللي بتسبب ضيق للمصمم واللي البعض بيعترض علي تاخر طلبه

طيب انت احترم البني ادم اللي حيصمملك وهو يحترمك

يعني متفتريش في الطلب

خير الكلام ما قل ودل

امال ليه معظمنا بياخد بالمثل ده في كل حاجه ما عدا التصميم

افهم الاول انت عايز ايه

رتب افكارك واختصر كلامك وخليه بصيغه حلوه ومفتوحه تجبر الناس انها تساعدك

مش لازم تزود في الحكايه اوي عشان احنا بنشتغل مجانا ولا ننتظر مقابل

وبعدين خد مثال مهم

منتدي الدعم والمساعده

واجهه بسيطه جدا ولكن جميله جدا جدا

وشوف المنتديات الكبيره وشوف الفي بي اللي دايما بتقارنا بيه

وشوف منتديات احلي منتدي الكبيره صاحبه الاحصائيات العاليه

حتلاقي كتير جدا منها ان مكنش كلها

واجهات بسيطه جدا ولكن معبره ورائعه المضمون

وكمان خفيفه في التحميل

والله تلاقي منتديات الواجهه بتاعتها تبدأ تتحرك بعد ما تتصفح المنتدي وتكون خلاص داخل علي صفحه تانيه

كتشف ان الواجهه متحركه او البنر متحرك

والواجهات الفلاشيه اللي الكل عايزها

فيه ناس بتصمم واجهات فلاشيه بالرغم من بساتطها بس فيه ناس حتي مش بتصممها كويس

يعني عملت الواجهه وكله تمام

تلاقي التأثير الفلاشي اللي حتموت عليه مش حلو خالص

حتابع بس عشان الموضوع ميزدش عن الحد المطلوب

اتكلمنا عن الاعضاء واخطائهم

اكيد برضه للمصممين اخطائهم

يعني تلاقي واحد يحط واجهه وتلاقي اسمه ايه

ملعلع في الواجهه كلها وانا فعلا كنت كده لحد وقت قريب جدا

بس دلوقتي الحمد لله بقت حقوق لا تري بالعين المجرده

المهم:تلاقي الواجهه ايه

جامده مووت بس محدش بيستعملها

طيب ليه يا عم الحج ديه الواجهه مفيش احلي من كده؟؟

يقولك الحقوق كبيره جدا وشكلها مش حلو علي الواجهه فبيجي علي نفسه وميحطهاش بالرغم من انها عاجباه

واللي بقي بيرفض تماما لما تكون الحقوق اسم منتداك

ديه بقي متزعلوش مني فيها بجاحه

انت بتدي خدمه ولا بتاخد خدمه

فتلاقي الوجهه كركونه في موسوعه المصمم بالرغم من ابداعه فيها

والاعضاء برضه معذوره

يعنني لو حطها ضرر ليه ولو شال الحقوق تبقي مخالف

فالعضو يدور علي اي واجهه تانيه حتي لومش حلوه اوي بس اهو يحطها وخلاص

ولما تدخل علي المنتدي تزعل


طيب ما انت اللي غلطان من الاول صغر حقوق او حتي في بعض الاوقات شيلها وكتير حيحطوها لو حلوه او حتي مش حلوه اوي

حتقلي طيب لو واحد نسبها لنفسه

حقولك علي ااساس ان مفيش ناس هنا ترجعلك حقك

ما دمت سمعتك حلوه ومعروف بابداعك وعم نسب اي تصميم لنفسك وهو ليس لك

حتلاقي المشرفين يتعاملوا مع الموضوع ده بكل حزم

ولكن متجيش انت تعمل وتنقل وتمسح حقوق وعايز الناس تتدافع عن حقوقك

((كما ندين تدان))

وولا انت رأيك ايه؟؟؟

وتلاقي البعض يجيب صوره ويعملها في عرض واجهه ويكتب عليها كلمه منتيات

وتلاقي واحد اخدها وبشكل تاني ومن غير حقوق

انت حتضايق

بس هي حتكون عاديه

ديه صوره يعني مش انت اللي عاملها زي ما انت استخدمتها غيرك استخدامها

وانت ملكش سلطه عليه في الحاله ديه

وفيه مواقف تانيه كتير


لازم كلنا نتعلم منها ونستفاد منها ونتناقش كمان فيها
بس عذرا للتكمله لأني مشغول حبتين عشان الامتحانات

بس في القريب العاجل لو الموضوع مش مخاالف